Саудия Арабистони энергетика вазири Холид ал-Фолиҳнинг маълум қилишича, дунёдаги энг йирик нефть экспортчиси Боб-ал-Мандуб бўғози орқали хомашё етказиб бериш ишларини вақтинчалик тўхтатади. Бу ҳақда Reuters хабар бермоқда.
Аниқлик киритилишича, бу Яманнинг ҳусийлар қуролланган гуруҳи иккита йирик тоннали танкерга ҳужум уюштиргани сабабли рўй берди.
«Саудия Арабистони Боб-ал-Мандуб бўғози орқали нефть етказиб беришни вақтинчалик тўхтатади. Бу вазият аниқлаштирилмагунга қадар ва Боб-ал-Мандуб бўғози орқали транзит хавфсиз кўриниш олмагунгача юз беради», - дея айтиб ўтди Фолиҳ.