Орқага
Мазкур нуфузли мусобақада нефть-газ саноатининг 31 жамоаси иштирок этиб, ғалабамизни алоҳида аҳамиятли ва қадрли қилди.
Шуни таъкидлаш керакки, ҳар бир жамоа ўз билими, таҳлил қилиш, жамоада ишлаш қобилиятини намойиш этишга тайёр бўлган иқтидорли ва ғайратли ходимлардан иборат эди. Бухоро НҚИЗ жамоаси ҳам бундан мустасно эмаслиги ва ўзининг энг яхши ўйинини кўрсатди.
Ёш мутахассисларимиз мураккаб интеллектуал муаммоларни ҳал этишда юксак маҳорат, чуқур билим намойиш этишди. Тезкор реакция, танқидий фикрлаш ва муаммоларга ечим топиш қобилиятини талаб қиладиган кескин курашда жамоамиз яхши ўйин кўрсатди ва ғолибларга минимал очко йўқотиб,умумжамоа ҳисобида иккинчи ўринни қўлга киритди.
Бу муваффақият ходимларимизнинг машаққатли меҳнати, касб маҳоратини мунтазам ошириб бориши самарасидир. Бундай натижага эришишда Бухоро НҚИЗ раҳбариятининг кўмаги ва рағбати муҳим аҳамият касб этди.
Биз ёш мутахассисларимиз билан фахрланамиз ва уларнинг ҳали олдинда кўплаб ғалаба ва ютуқлари борлигига ишонамиз.
Шуни алоҳида таъкидлашни истардикки, бундай олимпиадаларда иштирок этиш нафақат касбий ўсишга хизмат қилади, балки жамоавий руҳни мустаҳкамлайди, мотивацияни оширади ва соҳадаги турли корхоналар ходимлари ўртасида тажриба ва билим алмашиш учун қулай шарт-шароит яратади.
Жамоамизни ушбу муҳим ютуғи билан табриклаймиз ва уларга профессионал фаолиятида янада муваффақиятлар ва интеллектуал жабҳада янги ғалабалар тилаймиз!
Келажакда заводимиз ва бутун нефть-газ саноати фахр-ифтихорини келтириш учун янги марралар сари интилинг ва юқори профессионалликни сақланг.
“Бухоро НҚИЗ” МЧЖ матбуот хизмати