ОрқагаЎзбекистон, Бухоро – инновацион ривожланиш стратегияси ва маҳсулот сифатини яхшилаш доирасида Бухоро НҚИЗ янги дизель ёқилғиси "KAMSARF"ни ишлаб чиқаришни бошлаганини катта мамнуният билан эълон қилади. Бу воқеа заводнинг динамик ривожланишида муҳим босқични белгилайди ва ишлаб чиқариш жараёнига замонавий технологияларни жорий этишда давом этишини кўрсатади.
"KAMSARF" дизель ёқилғиси энг янги технологиялар асосидаги кўп функцияли қўндирмадан фойдаланилган ҳолда ишлаб чиқарилган бўлиб, ёқилғи хусусиятларини ва унинг эксплуатацион ишончлилигини анча яхшилайди. Маҳсулот зарурий барча лаборатория текширувларидан ўтказилди ва мувофиқлик сертификати олинди.
"KAMSARF" дизель ёқилғисининг асосий афзалликлари:
- Двигатель ишини оптималлаштириш ва унинг қувватини ошириш.
- Ёқилғи сарфини ва зарарли ташланмалар миқдорини камайтириш.
- Двигателни ишдан чиқишдан ва коррозиядан ҳимоялашни яхшилаш.
- Транспорт воситаларининг умумий иқтисодий самарадорлиги ва экологиклигини ошириш.
Янги дизель ёқилғиси ишлаб чиқарилиши завод самарадорлигини ошириш ва нефть маҳсулотларининг экологик хавфсизлигини таъминлаш бўйича олиб борилаётган комплекс дастурнинг бир қисми ҳисобланади. "KAMSARF" дизель ёқилғиси замонавий дизель двигателлари, шунингдек оғир шароитларда фойдаланиладиган техникаларни учун мўлжалланган.
Бухоро НҚИЗ ҳақида:
Бухоро нефтни қайта ишлаш заводи Ўзбекистон нефтни қайта ишлаш тармоғининг муҳим корхонаси бўлиб, иқтисодиётнинг барқарор ривожланишига ва мамлакат бозорини юқори сифатли нефть маҳсулотлари билан таъминлашга ҳисса қўшади.
