Функционал мажбуриятлари

Капитал қурилиш бўйича директор ўринбосари

Корхонада капитал қурилиш ишларининг бажарилишини, инвестиция ресурсларидан мақсадли ва оқилона фойдаланишни, маблағларни корхонани техник қайта жиҳозлаш ва реконструкция қилишга йўналтиришни, уларни ишга тушириш объектларига жамлашни, тугалланмаган қурилиш ҳажмини камайтиришни таъминлайди.

У лойиҳа-қидирув ишларини такомиллаштириш, ишлаб чиқаришни ташкил этишни такомиллаштириш ва қурилишнинг илғор усулларини жорий этиш, қурилиш ишларининг таннархини пасайтириш ва сифатини ошириш, шунингдек, уларни амалга ошириш муддатларини қисқартириш ишларига раҳбарлик қилади.

Корхонани капитал қуриш, реконструкция қилиш ва кенгайтиришнинг истиқболли ва жорий режаларини, шунингдек, асосий ишлаб чиқариш қувватлари, майдонлар, уй-жой, коммунал ва маданий-маиший объектларни ишга тушириш режаларини ишлаб чиқиш, қурилиш материалларига буюртмалар тузишга раҳбарлик қилади. Янги ишга туширилган объектлар учун жиҳозлар, қурилиш учун титул варақлари, капитал қўйилмаларнинг ўзини ўзи қоплаш муддатини қисқартирган ҳолда, титул варақаларида назарда тутилган ишларнинг бажарилишини таъминлайди.

Техник қайта жиҳозлаш ва ишлаб чиқариш самарадорлигини ошириш нуқтаи назаридан бизнес-режаларни тузишда, асбоб-ускуналарни лойиҳалаш ва сотиб олиш учун зарур молиявий ресурсларни, шу жумладан инвесторлар маблағларини аниқлашда иштирок этади.