Назад
Белгиланган топшириқлар ижроси доирасида, “Ўзбекнефтгаз” АЖ Бошқарув раиси Меҳриддин Абдуллаев бошчилигида Бухоро НҚИЗда дарахт экиш ишлари бошлаб юборилганлиги ҳақида маълумот берган эдик.
Лойиҳа доирасида заводнинг Хўжаликни бошқариш хизмати бошчилигида 10 000 дона дарахт экиш ишлари режалаштирилган. Ҳозиргача муҳандис-техник ходимлар иштирокида Таъмир-механика цехи ва завод автотураргоҳига ёндош майдонда кўчат экилди.
Ушбу акцияда Ёшлар иттифоқи БНҚИЗ бошланғич ташкилоти кўмаги билан Бухоро НҚИЗ футбол жамоаси Когон шаҳридаги ўқув базаси ҳудудида ҳам кўчат экилди.
Шунингдек, Қоровулбозор туманидаги Ҳарбийлар шаҳарчасини кўкаламзорлаштириш учун жами 600 дона манзарали дарахт кўчатлари етказиб берилди. Бугунги кунда умумий ҳисобда 2 260 туп манзарали ва мевали дарахт кўчатлари экилди.
Эслатиб ўтамиз, лойиҳага кўра цехларга тегишли бинолар, “Нефтчи” аҳоли шаҳарчаси, автойўллар, янгидан барпо этилган олмазор боғи атрофлари кўкаламзорлаштирилади ва дарахтларнинг ҳолатини яхши сақлаш учун кимёвий ишлов берилади.