Орқага
Ўзбекистон Республикаси Президентининг 2020 йил 29 июндаги “Ўзбекистон Республикасида коррупцияга қарши курашиш тизимини такомиллаштиришга доир қўшимча чора-тадбирлар тўғрисида”ги ПФ-6013-сонли қарорини босқичма-босқич амалга ошириш доирасида мамлакатимиздаги кўплаб корхоналар коррупцияга қарши курашишга қаратилган амалий чора-тадбирларни жорий этиш бўйича фаол иш олиб бормоқда.
Шундай қилиб, “Бухоро НҚИЗ” МЧЖ раҳбариятининг қарорига асосан корхонамизда амалга оширилаётган ишларда очиқлик ва шаффофликни янада кўрсатиш мақсадида жорий йилда корхона мутахассислари томонидан ISO 37001:2016 “Коррупцияга қарши кураш тизими” халқаро стандарти бўйича ишларни корхонамизда ишлаб чиқиш ва жорий этиш бўйича кенг қамровли ишлар амалга оширилди.
2023 йил 18 сентябрдан 19 сентябргача “Central Asia Certification” (Австриянинг TUV AUSTRIA Group органининг расмий ҳамкори) халқаро сертификатлаштириш органи мутахассислари аудит режасига мувофиқ заводнинг ISO 37001:2016 халқаро стандарти талабларига мувофиқлиги бўйича аудит ўтказишди.
“Бухоро НҚИЗ” МЧЖ коррупцияга қарши бошқарув тизимини баҳолаш учун аудиторлик гуруҳи таркибига Беларус Республикасидан мустақил аудитори ҳам жалб этилди.
Аудит натижаларига кўра, “Бухоро НҚИЗ” МЧЖ ўз фаолияти ва жорий этилган бошқарув тизими ISO 37001:2016 “Коррупцияга қарши бошқарув тизими” талабларига мувофиқлигини тасдиқлади, шунингдек, халқаро сертификат билан тақдирланди.
Кенгайтирилган йиғилишда “Ўзбекнефтгаз” АЖ Молиявий ва талабларга риоя этилишини назорат қилиш бошқармаси инспектори З.Сатторов Бухоро НҚИЗ раҳбариятига ISO 37001:2016 халқаро стандарти сертификатини топширди.
“Бухоро НҚИЗ” МЧЖ матбуот хизмати